Petro Poroshenko

Si Petro Oleksiyovych Poroshenko (Ukrainian: Петро Олексійович Порошенко; namundag Septyembre 26, 1965) sarong Ukranyong bilyonaryong negosyante asin iyo an nabotohan na presidente kan Ukranya. Si Poroshenko nagin Ministro sa Relasyon Pangluwas kan 2009 abot 2010, asin Ministro sa Komersyo asin Ekonomikong Pangkauswagan kan 2012. Siya nagin man Pamayo kan Konseho kan Banko Nasyonal kan Ukranya nin tolong taon, 2007-12. Nabansagan siyang "Hade nin Tsukolate" huli ta igwa siyang negosyo nin dulsehan asin iba pang mga negosyo. Sa eleksyon kaining Mayo 25, 2014, nasikwit niya an sobra sa 54% boto sa enot na hurnada, bagay na dai na kaipohan magkaigwa nin pangaduwang eleksyon asin siya na an pigdeklarang guminana.^[1]

1. ↑ https://web.archive.org/web/20130822061718/http://www.therichest.com/celebnetworth/celebrity-business/men/petro-poroshenko-net-worth/ Kinua 29-05-14